Cur síos ar na hocht leibhéal EQF
Sainmhínítear gach ceann de na 8 leibhéal den EQF le tacar tuairiscí a léiríonn na torthaí foghlama a bhaineann le cáilíochtaí ag an leibhéal sin in aon chóras cáilíochtaí.
Sainmhínítear na torthaí foghlama i dtéarmaí:
Eolas: Nuair a dhéantar trácht ar eolas i gcomhthéacs EQF, is eolas teoiriciúil agus/nó fíorasach atá i gceist.
Scileanna: Nuair a dhéantar trácht ar scileanna i gcomhthéacs EQF, is iad scileanna cognaíocha (scileanna lena mbaineann smaointeoireacht loighciúil iomasach chriticiúil) agus scileanna praiticiúla (scileanna lena mbaineann deaslámhacht mar aon le húsáid modhanna, ábhar, uirlisí agus ionstraimí) atá i gceist.
Freagracht agus neamhspleáchas: I gcomhthéacs EQF, is éard atá i gceist le freagracht agus neamhspleáchas cumas an fhoghlaimeora eolas agus scileanna a chur chun feidhme go neamhspleách agus go freagrach.
| Eolas | Scileanna | Freagracht agus neamhspleáchas |
| Buneaolas ginearálta | Na bunscileanna atá ag teastáil chun tascanna simplí a dhéanamh | Obair nó staidéar faoi mhaoirseacht dhíreach i gcomhthéacs struchtúrtha |
| Eolas | Scileanna | Freagracht agus neamhspleáchas |
| Buneolas fíorasach maidir le réimse oibre nó staidéir | Na bunscileanna cognaíocha agus praiticiúla atá ag teastáil chun eolas ábhartha a úsáid le tascanna a dhéanamh agus le gnáthfhadhbanna a réiteach ag baint úsáid as rialacha agus uirlisí simplí | Obair nó staidéar faoi mhaoirseacht le neamhspleáchas áirithe |
| Eolas | Scileanna | Freagracht agus neamhspleáchas |
| Eolas ar fhíricí, ar phrionsabail, ar phróisis agus ar choincheapanna ginearálta i réimse oibre nó staidéir | Réimse scileanna cognaíocha agus praiticiúla atá ag teastáil chun tascanna a chur i gcrích agus fadhbanna a réiteach trí bhunmhodhanna, uirlisí, ábhair agus eolas a roghnú agus a chur chun feidhme | Freagracht a ghlacadh chun tascanna oibre nó staidéir a chur i gcrích; Do chuid iompraíochta féin a oiriúnú chun fadhbanna a réiteach |
| Eolas | Scileanna | Freagracht agus neamhspleáchas |
| Eolas fíorasach agus teoiriciúil ar chomhthéacsanna leathan laistigh de réimse oibre nó staidéir | Réimse scileanna cognaíocha agus praiticiúla atá ag teastáil chun réitigh a aimsiú ar fhadhbanna sonracha i réimse oibre nó staidéir | Féinbhainistiú a dhéanamh laistigh de threoirlínte comhthéacsanna oibre nó staidéir atá intuartha go hiondúil ach atá faoi réir athraithe; Maoirsiú a dhéanamh ar ghnáthobair daoine eile, ag glacadh freagracht áirithe as meastóireacht a dhéanamh ar ghníomhaíochtaí oibre nó staidéir agus feabhas a chur orthu |
| Eolas | Scileanna | Freagracht agus neamhspleáchas |
| Eolas cuimsitheach, speisialaithe, fíorasach agus teoiriciúil laistigh de réimse oibre nó staidéir agus feasacht ar theorainneacha an eolais sin | Raon cuimsitheach scileanna cognaíocha agus praiticiúla atá ag teastáil chun réitigh chruthaitheacha a fhorbairt ar fhadhbanna teibí | Bainistiú agus maoirsiú i gcomhthéacs gníomhaíochtaí oibre nó staidéir ina dtarlaíonn athruithe dothuartha; Féinfheidhmíocht agus feidhmíocht daoine eile a athbhreithniú agus a fhorbairt |
| Eolas | Scileanna | Freagracht agus neamhspleáchas |
| Ardeolas ar réimse oibre nó staidéir a bhfuil baint ag tuiscint chriticiúil ar theoiricí agus ar phrionsabail leis | Ardscileanna a léiríonn máistreacht agus nuálaíocht, agus atá ag teastáil chun fadhbanna casta agus dothuartha a réiteach i réimse speisialaithe oibre nó staidéir | Bainistiú ar ghníomhaíochtaí nó tionscadail chasta theicniúla nó ghairmiúla, ag glacadh freagracht as cinntí a dhéanamh i gcomhthéacsanna dothuartha oibre nó staidéir; Freagracht a ghlacadh as bainistiú ar fhorbairt ghairmiúil daoine aonair agus grúpaí |
| Eolas | Scileanna | Freagracht agus neamhspleáchas |
Ardeolas speisialaithe, cuid de atá ceannródaíoch i réimse oibre nó staidéir agus atá ina bhonn ag smaointeoireacht bhunaidh agus/nó ag taighde bunaidh Feasacht chriticiúil ar shaincheisteanna eolais i réimse ar leith agus atá ar an teorainn idir réimsí éagsúla | Specialised problem-solving skills required in research and/or innovation in order to develop new knowledge and procedures and to integrate knowledge from different fields | Bainistiú agus claochlú ar chomhthéacsanna oibre nó staidéir atá casta, dothuartha agus a bhfuil cur chuige nua straitéiseach ag teastáil lena n-aghaidh; Freagracht a ghlacadh as rannchuidiú le heolas agus le cleachtas gairmiúil agus/nó athbhreithniú a dhéanamh ar fheidhmíocht straitéiseach foirne |
| Eolas | Scileanna | Freagracht agus neamhspleáchas |
| Eolas ar an leibhéal is forbartha de réimse oibre nó staidéir agus ar an teorainn idir réimsí | Na scileanna agus na teicnicí is speisialaithe agus is forbartha, sintéis agus meastóireacht san áireamh, ar rudaí iad atá ag teastáil chun fadhbanna criticiúla taighde agus/nó nuálaíochta a réiteach agus chun cur le heolas nó le cleachtas gairmiúil atá ann cheana agus iad a athshainiú | Údarás substaintiúil, nuálaíocht, neamhspleáchas, ionracas léannta agus gairmiúil agus gealltanas leanúnach a léiriú chun smaointe nó próisis nua a fhorbairt atá ceannródaíoch i gcomhthéacsanna oibre nó staidéir agus sa taighde freisin |
Comhoiriúnacht don Chreat Cáilíochtaí le haghaidh an Réimse Ardoideachais Eorpaigh
Leis an gCreat Cáilíochtaí le haghaidh an Réimse Ardoideachais Eorpaigh, cuirtear tuairisceoirí ar fáil maidir le trí thimthriall a chomhaontaigh na hairí atá freagrach as an ardoideachas ag cruinniú a reáchtáladh in Bergen i mí na Bealtaine 2005 faoi chreat phróiseas Bologna. Le gach tuairisceoir timthrialla, cuirtear ráiteas cineálach ar fáil maidir leis na gnáth-ionchais i dtaca le gnóthachtálacha agus na cumais a bhaineann le cáilíochtaí a bhronntar ag deireadh an timthrialla sin.
- An tuairisceoir don timthriall gearr a forbraíodh leis an Tionscnamh Comhpháirteach maidir le Cáilíochtaí mar chuid de phróiseas Bologna, (laistigh den chéad timthriall nó nasctha leis) comhfhreagraíonn sé do thorthaí foghlama leibhéal 5 EQF.
- Comhfhreagraíonn an tuairisceoir don chéad timthriall do thorthaí foghlama leibhéal 6 EQF
- Comhfhreagraíonn an tuairisceoir don dara timthriall do thorthaí foghlama leibhéal 7 EQF.
- Comhfhreagraíonn an tuairisceoir don tríú timthriall do thorthaí foghlama leibhéal 8 EQF.
Facebook
Twitter
Linkedin
Email