Tá an Coimisiún Eorpach (‘an Coimisiún’ anseo feasta) tiomanta do do shonraí pearsanta a chosaint agus do phríobháideachas a urramú. Déanann an Coimisiún sonraí pearsanta a bhailiú agus a phróiseáil a thuilleadh de bhun Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin (lena n-aisghairtear Rialachán (CE) Uimh. 45/2001).

Sa ráiteas príobháideachais seo, mínítear an fáth a bpróiseálaimid do chuid sonraí pearsanta, an dóigh a ndéanann an Coimisiún na sonraí pearsanta ar fad a thugtar a bhailiú, a láimhseáil agus a chosaint. Mínítear an chaoi a n-úsáidtear iad, agus na cearta atá agat maidir le do shonraí pearsanta freisin. Tugtar ann sonraí teagmhála an Rialaitheora Sonraí atá freagrach agus lenar féidir leat do chearta a fheidhmiú, sonraí teagmhála an Oifigigh Cosanta Sonraí agus an Mhaoirseora Eorpaigh ar Chosaint Sonraí.

Anseo thíos tá an t-eolas maidir leis an oibríocht phróiseála “Ardán Europass” a fheidhmíonn Ard-Stiúrthóireacht um Fhostaíocht, Gnóthaí Sóisialta agus Cuimsiú(AS EMPL) an Choimisiúin.

Cuspóir na hoibríochta próiseála: Bailíonn an Coimisiún Eorpach do shonraí pearsanta chun an méid seo a leanas a dhéanamh:

1. Moltaí saincheaptha a thabhairt – Úsáidfear do shonraí chun sainroghanna agus réimsí spéise úsáideoirí a thuiscint agus chun meastacháin ar féidir brath orthu a dhéanamh faoin méid sin agus é mar aidhm leis sin moltaí saincheaptha a thabhairt d'úsáideoirí Europass maidir le scileanna, cúrsaí agus poist (e.g. scileanna a d'fhéadfadh a bheith agat bunaithe ar do thaithí roimhe seo, deiseanna fostaíochta a d'fhéadfá spéis a chur iontu bunaithe ar do scileanna agus roghanna, etc.). I do cháil mar úsáideoir, beidh an rogha agat na moltaí seo a mhúchadh agus cinneadh a dhéanamh an t-eolas ar fad a úsáidtear chun na moltaí saincheaptha a thabhairt duit a athshocrú.
2. Measúnú a dhéanamh ar fheidhmíocht Europass – baileoidh Europass sonraí bunaithe ar ghníomhaíocht úsáideoirí agus déanfaidh sé na sonraí sin a chomhiomlánú chun feidhmíocht Europass a thuiscint. Sonraí maidir le heochairtháscairí feidhmíochta, amhail líon na gcuairteanna ar an ardán agus líon na n-úsáideoirí atá cláraithe ar an ardán, foilseofar iad ar ardán Europass ar bhonn tréimhsiúil agus úsáidfear iad chun measúnú a dhéanamh ar fheidhmíocht an ardáin. Ní úsáidfear eolas pearsanta úsáideoirí chun na críche sin.
3. Anailís a dhéanamh ar an margadh saothair – Baileofar eolas amhail aois, náisiúntacht, taithí foghlama agus taithí oibre agus scileanna agus úsáidfear é chun críocha staitistiúla. Chun anaithnideacht a chinntiú, déanfar do shonraí a chomhiomlánú agus a anaithnidiú d'fhonn táscairí staitistiúla ardleibhéil amháin a tháirgeadh, táscairí nach gcuimsíonn aon eolas lena bhféadfaí duine a shainaithint. Comhlíonann próiseáil den sórt sin Airteagal 24(2)-(4) de Rialachán (AE) 2018/1725. Bainfidh an Coimisiún Eorpach úsáid as na sonraí sin chun treochtaí a shainaithint i réimse an oideachais agus na fostaíochta, na riachtanais scileanna a bheidh ann sa todhchaí a thuar agus feabhas a chur ar na seirbhísí a thairgeann Europass.

Déanaimid do shonraí pearsanta a phróiseáil ar na cúiseanna seo a leanas:

• is gá an phróiseáil a dhéanamh chun cúram a chur i gcrích a dhéantar ar mhaithe le leas an phobail nó i bhfeidhmiú údaráis oifigiúil atá dílsithe don institiúid nó don chomhlacht de chuid an Aontais;
• tá toiliú tugtha ag an ábhar sonraí a shonraí pearsanta a phróiseáil chun críoch sonrach amháin nó níos mó;
• is gá an phróiseáil a dhéanamh chun leasanna ríthábhachtacha an ábhair sonraí nó duine nádúrtha eile a chosaint.

Chun an oibríocht phróiseála sin a dhéanamh, bailíonn AS EMPL na catagóirí sonraí pearsanta seo a leanas:

• Céadainm/Céadainmneacha
• Sloinne/Sloinnte

Is gá na sonraí pearsanta sin a chur ar fáil chun próifíl Europass a chruthú. Mura soláthróidh tú an t-eolas sin, is féidir nach mbeidh tú in ann próifíl a chruthú ar Europass, agus dá bhrí sin, ní bheidh tú in ann cuntas Europass a chruthú.

Ar an eolas breise nach bhfuil gá leis a bhailíonn Europass chun próifíl iomlán a chruthú agus chun tairbhe a bhaint as na seirbhísí a thairgeann Europass, áirítear na nithe seo a leanas :

• Dáta breithe
• Náisiúntacht
• Sonraí teagmhála, (i.e. seoladh ríomhphoist, suíomh gréasáin, uimhir theileafóin, teachtaireachtaí meandracha, meáin shóisialta)
• Taithí Oibre
• Oideachas agus Oiliúint
• Agus eolas breise faoi scileanna, cáilíochtaí agus foghlaim a fhéadfaidh na húsáideoirí a chur isteach más mian leo.

Ní choinníonn AS EMPL do shonraí pearsanta ach amháin chomh fada is gá chun cuspóir a mbailithe a chomhlíonadh nó chun próiseáil bhreise a dhéanamh orthu, mar a mhínítear sa roinn ‘Cén fáth agus cén chaoi a bpróiseálaimid do shonraí pearsanta?', is é sin ar feadh tréimhse 5 bliana tar éis an nuashonraithe is déanaí ar an ábhar i do ríomhphunann. Le linn na tréimhse sin, gheobhaidh tú fógraí in Europass faoi ghnéithe uile do shonraí pearsanta.

Yes, some special categories of data are prohibited under Article 10(1) such as:

• Data revealing racial or ethnic origin
• Data revealing political opinions
• Data revealing religious or philosophical beliefs
• Data revealing trade union membership
• Genetic data, biometric data for the purpose of uniquely identifying a natural person
• Data concerning health
• Data concerning a natural person's sex life or sexual orientation

There may be circumstances where such data may be  directly or indirectly present when you upload documents. Please be careful not to add the the above mentioned data categories on any  data that you add or documents that you upload on your Europass.

Déantar na sonraí pearsanta uile atá i bhformáid leictreonach (ríomhphoist, doiciméid, bunachair sonraí, baisceanna sonraí uaslódáilte etc.) a stóráil ar fhreastalaithe an Choimisiúin Eorpaigh.Déantar na hoibríochtaí próiseála uile de bhun Chinneadh (AE, Euratom) 2017/46 ón gCoimisiún an 10 Eanáir 2017 maidir le slándáil córas cumarsáide agus faisnéise arna n-úsáid ag an gCoimisiún Eorpach.

Chun do shonraí pearsanta a chosaint, tá roinnt bearta teicniúla agus eagraíochtúla curtha ar bun ag an gCoimisiún. Ar na bearta teicniúla sin tá bearta iomchuí chun dul i ngleic leis an tslándáil ar líne, leis an mbaol go gcaillfí sonraí, go ndéanfaí sonraí a athrú nó go ndéanfaí rochtain neamhúdaraithe orthu, ag cur san áireamh an riosca atá i gceist leis an bpróiseáil agus na gcineálacha sonraí pearsanta atá á bpróiseáil. Ar na bearta eagraíochtúla, tá cead rochtana ar na sonraí a theorannú do dhaoine údaraithe amháin a bhfuil gá dlisteanach acu leo chun críocha na hoibríochta próiseála seo.

Tugtar rochtain ar do shonraí pearsanta d'fhostaithe an Choimisiúin atá freagrach as an oibríocht phróiseála sin a fheidhmiú agus do na baill foirne atá údaraithe de réir an phrionsabail “ar bhonn riachtanais eolais”. Tá ceangal ar na baill foirne sin cloí le comhaontuithe reachtúla rúndachta, agus nuair is gá, le comhaontuithe breise rúndachta.

Ní thabharfar an t-eolas a bhailímid d'aon tríú páirtí, seachas a mhéid is gá nó chun na críocha is gá chun an dlí a chomhlíonadh.

Tá cearta sonracha agat mar ‘ábhar sonraí’ faoi Chaibidil III (Airteagail 14 go 25) de Rialachán (AE) 2018/1725, go háirithe an ceart chun do shonraí pearsanta a rochtain, a cheartú nó a léirscriosadh agus an ceart chun srian a chur ar phróiseáil do shonraí pearsanta. I gcás inarb infheidhme, tá sé de cheart agat agóid a dhéanamh i gcoinne na próiseála agus tá an ceart chun iniomparthacht sonraí agat.

Tá sé de cheart agat agóid a dhéanamh i gcoinne phróiseáil do shonraí pearsanta, próiseáil a dhéantar go dleathach de bhun Airteagal 5(1)(a).

Tá toilithe agat do shonraí pearsanta a chur ar fáil do AS EMPL le haghaidh na hoibríochta próiseála reatha. Is féidir leat do thoiliú a tharraingt siar am ar bith ach fógra a thabhairt don Rialaitheoir Sonraí. Ní dhéanfaidh an tarraingt siar difear do dhlíthiúlacht na próiseála a rinneadh sular tharraing tú siar an toiliú.

Is féidir leat do chearta a fheidhmiú ach teagmháil a dhéanamh leis an Rialaitheoir Sonraí, nó, i gcás easaontais, leis an Oifigeach Cosanta Sonraí. Más gá, is féidir leat dul i dteagmháil leis an Maoirseoir Eorpach ar Chosaint Sonraí freisin.

I gcás inar mian leat do chearta a fheidhmiú i gcomhthéacs oibríochta próiseála ar leith amháin nó níos mó, déan cur síos orthu (i.e. a dtagairtí taifid mar atá sonraithe faoi Cheannteideal 10 thíos) i d'iarratas

An Rialaitheoir Sonraí

Más mian leat do chearta a fheidhmiú faoi Rialachán (AE) 2018/1725, nó má tá tuairimí, ceisteanna nó ábhair imní agat, nó más mian leat gearán a dhéanamh faoi bhailiú agus úsáid do shonraí pearsanta, déan teagmháil leis an Rialaitheoir Sonraí tríd an bhfoirm theagmhála.

Oifigeach Cosanta Sonraí an Choimisiúin

Féadfaidh tú teagmháil a dhéanamh le hOifigeach Cosanta Sonraí an Choimisiúin maidir le ceisteanna a bhaineann le próiseáil do shonraí pearsanta faoi Rialachán (AE) 2018/1725.

An Maoirseoir Eorpach ar Chosaint Sonraí

Tá sé de cheart agat dul ar iontaoibh an Mhaoirseora Eorpaigh ar Chosaint Sonraí (i.e. gearán a dhéanamh leis) má mheasann tú gur sáraíodh do chearta faoi Rialachán (AE) 2018/1725 mar thoradh ar phróiseáil do shonraí pearsanta ag an Rialaitheoir Sonraí.

Foilsíonn an tOifigeach Cosanta Sonraí clár na n-oibríochtaí próiseála go léir atá déanta ag an gCoimisiún ar shonraí pearsanta, na hoibríochtaí atá doiciméadaithe agus a bhfuil fógra tugtha dó ina leith. 

Áirítear an oibríocht phróiseála shonrach sin ar chlár poiblí an Oifigigh Cosanta Sonraí agus an tagairt taifid seo a leanas ag gabháil léi: DPR-EC-04686