Cruthaigh do Litir Chumhdaigh Europass
Clúdaíonn Europass na céimeanna ar fad chun cuidiú leat litir chumhdaigh atá struchtúrtha, leanúnach agus gairmiúil a chur le chéile. Is féidir leat litreacha cumhdaigh nua a chruthú nó eagarthóireacht a dhéanamh ar litreacha atá agat cheana trí úsáid a bhaint as an uirlis atá ar Europass chun sin a dhéanamh.
Conas a chuidíonn Europass leat?
Clúdaíonn Europass an próiseas ar fad, céim ar chéim, chun cuidiú leat litir chumhdaigh mhaith a chruthú a bhfuil an t-eolas riachtanach ar fad inti. Is féidir leat litreacha cumhdaigh a chruthú, a stóráil agus a roinnt i 31 dteanga, sin agus teimpléid éagsúla a roghnú chun d'iarratas a chur in oiriúint agus na teimpléid sin a roinnt go héasca ó do Leabharlann Europass.
Conas litir chumhdaigh mhaith a scríobh
Sa litir chumhdaigh, ba cheart duit béim a leagan ar an méid a spreag tú chun iarratas a dhéanamh ar phost nó ar dheis shonrach, sin agus a léiriú cén fáth a gceapann tú gur tusa an t-iarrthóir is fearr ar an bpost. Sa litir chumhdaigh, ba cheart duit tagairt a dhéanamh do shamplaí ar leith ó do CV, sin agus cur síos a thabhairt ar an bhfáth a bhfuil siad ábhartha don fholúntas poist a bhfuil iarratas á dhéanamh agat air.
Léigh an fógra folúntais go cúramach agus leag béim ar na scileanna a bhaineann le riachtanais an phoist i do litir chumhdaigh.
Bain úsáid as na heochairfhocail atá luaite san fhógra folúntais nuair a thugann tú liosta de do scileanna boga (poncúil, eagraithe, maith ag obair i bhfoireann agus mar sin a leanas).
Coinnigh na hailt gearr agus soiléir agus léirigh gnéithe éagsúla go soiléir iontu.
Tóg do chuid ama chun taighde a dhéanamh ar an bhfostóir chun léargas luachmhar a fháil ar chultúr na heagraíochta agus déan tagairt do phríomhphointe nó dhó a d’fhoghlaim tú agus tú i mbun taighde i do litir chumhdaigh.
Níor cheart do litir chumhdaigh a bheith níos faide ná aon leathanach amháin.
- An chéad alt – cén spreagadh atá agat chun iarratas a dhéanamh ar an bpost,
- An dara halt – an fáth ar tusa an t-iarrthóir is oiriúnaí ar an bpost, agus
- An tríú halt – cén chaoi a mbeifeá oiriúnach don chuideachta.
Bain úsáid as sainréim teanga atá foirmiúil dea-bhéasach agus déan deimhin de nach bhfuil aon bhotún litrithe ann.
Bain úsáid as stíleanna cló simplí neamh-mhaisiúla atá ar an ngnáthmhéid (11-12) agus úsáid spásáil mhaith(1 nó 1.5).
Seirbhísí úsáideacha an Aontais
EURES – an Tairseach Eorpach um Shoghluaisteacht ó Phost go Chéile
Aimsigh poist i ngach cearn den Aontas
Ag obair i dtíortha eile den Aontas
Eolas, cabhair agus comhairle maidir le cearta an Aontais a bhaineann le cúrsaí oibre
Oideachas agus oiliúint i dtíortha eile den Aontas
Eolas, cabhair agus comhairle maidir le cearta an Aontais a bhaineann leis an bhfoghlaim
Facebook
Twitter
Linkedin
Email