Il-Kummissjoni Ewropea (minn hawn ’il quddiem “il-Kummissjoni”) hi impenjata li tipproteġi d-data personali tiegħek u li tirrispetta l-privatezza tiegħek. Il-Kummissjoni tiġbor u tkompli tipproċessa d-data personali skont ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data u li jħassar ir-Regolament (KE) Nru 45/2001 u d-Deċiżjoni Nru 1247/2002/KE.

Din l-istqarrija ta’ privatezza tispjega r-raġuni għall-ipproċessar tad-data personali tiegħek, il-mod kif il-Kummissjoni tiġbor, tittratta u tiżgura l-protezzjoni tad-data personali kollha li pprovdejt. Hi tispjega wkoll kif tintuża dik l-informazzjoni u xi drittijiet għandek fir-rigward tad-data personali tiegħek. Hi tispeċifika d-dettalji ta’ kuntatt tal-Kontrollur tad-Data responsabbli li tista’ teżerċita d-drittijiet tiegħek miegħu, tal-Uffiċjal tal-Protezzjoni tad-Data u tal-Kontrollur Ewropew għall-Protezzjoni tad-Data.

L-informazzjoni relatata mal-operazzjoni tal-ipproċessar “Pjattaforma tal-Europass” meħuda mid-Direttorat Ġenerali tal-Kummissjoni għall-Impjiegi, l-Affarijiet Soċjali u l-Inklużjoni (DĠ EMPL) hi ppreżentata hawn taħt.

Il-fini tal-operazzjoni tal-ipproċessar: Il-Kummissjoni Ewropea tiġbor u tuża l-informazzjoni personali tiegħek biex:

1. Toffri suġġerimenti personalizzati – Id-data tiegħek se tintuża biex tifhem u twassal stimi affidabbli dwar il-preferenzi u l-interessi tal-utenti bl-għan li toffri lill-utenti tal-Europass suġġerimenti ta’ ħiliet, korsijiet u impjiegi (eż. ħiliet li tista’ tkun ibbażajt fuq l-esperjenzi tiegħek fil-passat, opportunitajiet ta’ xogħol li jistgħu jkunu ta’ interess għalik abbażi tal-ħiliet u l-preferenzi tiegħek, eċċ.). Bħala utent, se jkollok l-għażla li tibdel dawn is-suġġerimenti u tiddeċiedi li terġa’ tissettja l-informazzjoni kollha li qed tintuża biex tipprovdilek suġġerimenti apposta.
2. Tivvaluta l-prestazzjoni tal-Europass – il-Europass se jiġbor u jaggrega d-data bbażata fuq l-attività tal-utenti biex tinftiehem il-prestazzjoni tal-pjattaforma. Id-data dwar indikaturi ewlenin tal-prestazzjoni bħan-numru ta’ żjarat fil-pjattaforma u n-numru ta’ utenti reġistrati se jiġu ppubblikati fuq il-pjattaforma tal-Europass perjodikament u se jintużaw biex jevalwaw il-prestazzjoni tal-pjattaforma. L-informazzjoni personali tal-utenti mhux se tintuża għal dan l-iskop.
3. Twettaq analiżi tas-suq tax-xogħol – Informazzjoni bħall-età, in-nazzjonalità, it-tagħlim u l-esperjenza tax-xogħol, u l-ħiliet se jinġabru u jintużaw għal skopijiet statistiċi. Sabiex tiġi żgurata l-anonimità, id-data tiegħek se tiġi aggregata u anonimizzata, biex tipproduċi biss indikaturi statistiċi ta’ livell għoli li ma jinkludu ebda informazzjoni identifikabbli personalment. Tali pproċessar jikkonforma mal-Artikolu 24(2)-(4) tar-Regolament (UE) Nru 2018/1725. Din id-data se tintuża mill-Kummissjoni Ewropea biex tidentifika x-xejriet fil-qasam tal-edukazzjoni u l-impjiegi, tbassar il-ħtiġijiet ta’ ħiliet futuri u ttejjeb is-servizzi offruti mill-Europass.

Nipproċessaw id-data personali tiegħek, minħabba li:

• l-ipproċessar ikun meħtieġ għat-twettiq ta’ kompitu li jsir fl-interess pubbliku jew fl-eżerċitar ta’ awtorità uffiċjali mogħtija lill-istituzzjoni jew lill-korp tal-Unjoni;
• is-suġġett tad-data jkun ta l-kunsens għall-ipproċessar ta' data personali tiegħu għal fini speċifiku wieħed jew aktar;
• l-ipproċessar ikun meħtieġ sabiex ikunu protetti l-interessi vitali tas-suġġett tad-data jew ta’ persuna fiżika oħra.

Sabiex titwettaq din l-operazzjoni tal-ipproċessar, id-DĠ EMPL jiġbor il-kategoriji ta’ data personali li ġejjin:

• Isem (Ismijiet)
• Kunjom(ijiet)

Il-provvediment ta’ din id-data personali hu obbligatorju biex jinħoloq profil tal-Europass. Jekk ma tipprovdix din l-informazzjoni, il-konsegwenzi possibbli huma li ma tkunx tista’ toħloq profil fil-Europass, u għalhekk ma tkunx tista’ toħloq kont tal-Europass.

Informazzjoni addizzjonali mhux mandatorja miġbura mill-Europass biex jinħoloq profil sħiħ u benefiċċju mis-servizzi offruti mill-Europass tinkludi:

• Data tat-twelid
• Nazzjonalità
• Informazzjoni ta’ kuntatt (jiġifieri indirizz tal-email, sit web, numru tat-telefown, media soċjali ta’ messaġġi instantanji)
• Esperjenza ta’ Xogħol
• Edukazzjoni u Taħriġ
• U informazzjoni addizzjonali dwar il-ħiliet, il-kwalifiki u t-tagħlim li l-utenti jistgħu jagħżlu biex jagħtu l-input tagħhom.

Id-DĠ EMPL iżomm id-data personali tiegħek biss għaż-żmien meħtieġ biex jintlaħaq l-għan tal-ġbir jew tal-ipproċessar ulterjuri kif deskritt fit-taqsima dwar għaliex u kif nipproċessaw id-data personali tiegħek, jiġifieri għal perjodu ta’ 5 snin wara l-aħħar aġġornament tal-kontenut tal-Portafoll elettroniku tiegħek. Matul dan il-perjodu, se tirċievi notifiki dwar l-aspetti kollha tad-data tiegħek fil-Europass.

Yes, some special categories of data are prohibited under Article 10(1) such as:

• Data revealing racial or ethnic origin
• Data revealing political opinions
• Data revealing religious or philosophical beliefs
• Data revealing trade union membership
• Genetic data, biometric data for the purpose of uniquely identifying a natural person
• Data concerning health
• Data concerning a natural person's sex life or sexual orientation

There may be circumstances where such data may be  directly or indirectly present when you upload documents. Please be careful not to add the the above mentioned data categories on any  data that you add or documents that you upload on your Europass.

Id-data personali kollha b’format elettroniku (emails, dokumenti, bażijiet tad-data, lottijiet tad-data applowdjati f’sistema, eċċ.) tinħażen fis-servers tal-Kummissjoni Ewropea. L-operazzjonijiet tal-ipproċessar jitwettqu kollha skont id-Deċiżjoni tal-Kummissjoni (UE, Euratom) 2017/46 tal-10 ta' Jannar 2017 dwar is-sigurtà tas-sistemi ta' komunikazzjoni u informazzjoni fil-Kummissjoni Ewropea.

Sabiex tipproteġi d-data personali tiegħek, il-Kummissjoni daħħlet numru ta’ miżuri tekniċi u organizzattivi. Il-miżuri tekniċi jinkludu azzjonijiet xierqa biex jindirizzaw is-sigurtà online, ir-riskju ta’ telf tad-data, il-bdil tad-data jew l-aċċess mhux awtorizzat, filwaqt li jitqies ir-riskju ppreżentat mill-ipproċessar u n-natura tad-data personali li tkun qed tiġi pproċessata. Il-miżuri organizzattivi jinkludu r-restrizzjoni tal-aċċess għad-data personali għall-persuni awtorizzati biss bi ħtieġa leġittima ta’ tagħrif għall-finijiet ta’ din l-operazzjoni tal-ipproċessar.

L-aċċess għad-data personali tiegħek hu pprovdut lill-istaff tal-Kummissjoni responsabbli għat-twettiq ta’ din l-operazzjoni tal-ipproċessar u lill-istaff awtorizzat skont il-prinċipju ta’ “ħtieġa ta' tagħrif”. Dan l-istaff jirrispetta l-ftehimiet statutorji, u meta meħtieġ, il-ftehimiet addizzjonali tal-kunfidenzjalità.

L-informazzjoni li niġbru mhux se tingħata lil xi parti terza, għajr sa fejn u għall-finijiet li nkunu marbuta bihom bil-liġi.

Inti għandek drittijiet speċifiċi bħala “suġġett tad-data” skont il-Kapitolu III (l-Artikoli 14-25) tar-Regolament (UE) 2018/1725, b’mod partikolari d-dritt li taċċessa, tikkoreġi jew tħassar id-data personali tiegħek u d-dritt li tillimita l-ipproċessar tad-data personali tiegħek. Fejn applikabbli, għandek ukoll id-dritt li toġġezzjona għall-ipproċessar jew id-dritt għall-portabbiltà tad-data.

Għandek id-dritt li toġġezzjona għall-ipproċessar tad-data personali tiegħek, li titwettaq skont l-Artikolu 5(1)(a).

Inti tajt il-kunsens tiegħek li tipprovdi d-data personali tiegħek lid-DĠ EMPL għal din l-operazzjoni tal-ipproċessar. Tista’ tirtira l-kunsens tiegħek fi kwalunkwe ħin billi tinnotifika lill-Kontrollur tad-Data. L-irtirar mhux se jaffettwa l-legalità tal-ipproċessar imwettaq qabel ma tkun irtirajt il-kunsens.

Tista’ teżerċita d-drittijiet tiegħek billi tikkuntattja lill-Kontrollur tad-Data, jew f’każ ta’ kunflitt lill-Uffiċjal tal-Protezzjoni tad-Data. Jekk ikun meħtieġ, tista’ tindirizza wkoll lill-Kontrollur Ewropew għall-Protezzjoni tad-Data.

Meta tixtieq teżerċita d-drittijiet tiegħek fil-kuntest ta’ operazzjoni tal-ipproċessar speċifika waħda jew aktar, jekk jogħġbok ipprovdi d-deskrizzjoni tagħhom (jiġifieri r-Referenza/i tar-rekord tagħhom kif speċifikat taħt l-Intestatura 10 hawn taħt) fit-talba tiegħek.

Il-Kontrollur tad-Data

Jekk tixtieq teżerċita d-drittijiet tiegħek skont ir-Regolament (UE) 2018/1725, jew jekk għandek xi kummenti, mistoqsijiet jew tħassib, jew jekk tixtieq tressaq ilment rigward il-ġbir u l-użu tad-data personali tiegħek, jekk jogħġbok ħossok liberu li tikkuntattja lill-Kontrollur tad-Data.

L-Uffiċjal tal-Protezzjoni tad-Data tal-Kummissjoni (UPD)

Tista’ tikkuntattja lill-Uffiċjal tal-Protezzjoni tad-Data (UPD) tal-Kummissjoni rigward kwistjonijiet relatati mal-ipproċessar tad-data personali tiegħek skont ir-Regolament (UE) 2018/1725.

Il-Kontrollur Ewropew għall-Protezzjoni tad-Data (EDPS)

Inti għandek id-dritt tirrikorri (jiġifieri tista’ tressaq ilment) għand il-Kontrollur Ewropew għall-Protezzjoni tad-Data jekk jidhirlek li nkisru d-drittijiet tiegħek skont ir-Regolament (UE) 2018/1725 b’riżultat tal-ipproċessar tad-data personali mill-Kontrollur tad-Data.

L-Uffiċjal tal-Protezzjoni tad-Data tal-Kummissjoni (UPD) jippubblika r-reġistru tal-operazzjonijiet kollha tal-ipproċessar dwar id-data personali mill-Kummissjoni, li ġew iddokumentati u nnotifikati lilu. 

Din l-operazzjoni tal-ipproċessar speċifika ġiet inkluża fir-reġistru pubbliku tal-UPD bir-Referenza tar-Rekord li ġejja: DPR-EC-04686