Tista’ tiċċaqlaq lejn kwalunkwe pajjiż fl-UE, l-Iżvizzera, l-Iżlanda, il-Liechtenstein u n-Norveġja biex tfittex u tibda impjieg grazzi għall-ftehim tal-Unjoni Ewropea dwar il-moviment ħieles tal-ħaddiema.

L-EURES jgħin u jappoġġa lill-persuni li qed ifittxu impjieg biex isibu impjieg u lill-impjegaturi biex isibu kandidati xierqa fl-Ewropa kollha.

Firxa wiesgħa ta’ servizzi  hija disponibbli fuq il-portal tal-EURES u permezz ta’ aktar minn elf Konsulent tal-EURES li jaħdmu fl-organizzazzjonijiet Membri u Sħab tal-EURES.

Is-servizzi tal-EURES lill-persuni li qed ifittxu impjieg u lill-impjegaturi jinkludu:

• Tqabbil ta’ postijiet tax-xogħol battala u CVs fuq il-portal tal-EURES;
• Informazzjoni, gwida u servizzi oħra ta’ appoġġ għall-ħaddiema u l-impjegaturi;
• Informazzjoni dwar il-kundizzjonijiet tal-għajxien u tax-xogħol fil-pajjiżi tal-EURES;
• Servizzi speċifiċi ta’ appoġġ għal ħaddiema tal-fruntieri u impjegaturi f’reġjuni transkonfinali;
• Appoġġ lil gruppi speċifiċi bl-użu ta’ Skemi ta’ Mobilità Mmirati;
• Pjattaforma Ewropea (Online) dwar il-Jiem tal-Impjiegi  ; u
• Informazzjoni dwar u aċċess għal għajnuna wara li persuna ssib impjieg bħal taħriġ fil-lingwa u appoġġ b’integrazzjoni fil-pajjiż ta’ destinazzjoni

Żur il-portal tal-EURES biex titgħallem aktar dwar is-servizzi disponibbli. Sib id-dettalji ta’ kuntatt tal-Membri u tas-Sħab tal-EURES dwar EURES f’pajjiżek jew ikkuntattja Konsulent tal-EURES direttament bit-telefon, bil-posta jew  biċ-chat.