Dintiúir Dhigiteacha Eorpacha don Fhoghlaim  

Conas is féidir liom mo Dhintiúr Digiteach Eorpach don Fhoghlaim a úsáid? 

Trí Europass, is féidir leat an méid seo a leanas a dhéanamh: do EDC a stóráil, a fheiceáil, a nascleanúint agus a chomhroinnt.

Mo EDC a stóráil

Nuair a eisíonn institiúid EDC duit, gheobhaidh tú fógra chuig an seoladh ríomhphoist a chuir tú in iúl don institiúid. Sa ríomhphost sin, gheobhaidh tú nasc díreach chuig do thiachóg áit ar féidir leat do EDC a aimsiú agus a fheiceáil, nó gheobhaidh tú do dhintiúr mar iatán le treoracha maidir le conas an t-ábhar atá ann a fheiceáil. 

I gcás inar cuireadh do dhintiúr go díreach le do thiachóg Europass, ní gá duit aon rud eile a dhéanamh. Is féidir leat rochtain a fháil ar do dhintiúr ach cliceáil ar an nasc sa ríomhphost, nó trí logáil isteach i do chuntas Europass agus dul chuig an rannán ‘Deimhnithe agus dioplómaí’ i do Leabharlann Europass. 

Mura bhfuil cuntas Europass cláraithe agat leis an seoladh ríomhphoist ar ar seoladh EDC chugat, féadfaidh tú ríomhphost a fháil freisin ina luaitear gur cruthaíodh tiachóg shealadach Europass duit. Chun an tiachóg shealadach sin a éileamh, beidh ort cuntas Europass a chruthú agus an seoladh ríomhphoist céanna a úsáid is a seoladh do EDC chuige. Nuair a bheidh do chuntas cruthaithe agat, beidh tú in ann do dhintiúr a aimsiú sa rannán ‘Mo Leabharlann’. Má roghnaíonn tú gan do thiachóg a éileamh, scriosfar go huathoibríoch í tar éis 6 mhí. 

Má tá an dintiúr faighte agat mar iatán agus más mian leat é a stóráil go sábháilte i dtiachóg dhigiteach (agus mura bhfuil cuntas Europass agat go fóill), beidh ort cuntas Europass a chruthú ar dtús. 

Eolas tábhachtach maidir le do EDC a stóráil 

Tabhair do d’aire go bhfuil do EDC sínithe le ríomhshéala, agus níl ach tréimhse bhailíochta shonrach aige. Má stórálann tú do dhintiúr i do thiachóg Europass, cuirfear síneadh uathoibríoch le bailíocht do dhintiúr. Mar sin féin, má roghnaíonn tú é a stóráil as líne, ba cheart duit é a uaslódáil ó am go chéile chuig Amharcóir EDC chun a chinntiú go gcuirfear síneadh le bailíocht sínithe do dhintiúr sula rachaidh sé in éag. Sin an fáth a molaimid do chuid EDCanna a stóráil i dtiachóg Europass. Nuair a bheidh an dintiúr á uaslódáil chuig an Amharcóir gar dá dháta éaga, feicfidh tú mír aníos ina gcuirfear in iúl duit go rachaidh do dhintiúr in éag go luath. Chun féachaint ar do dhintiúr, beidh ort síneadh a chur le bailíocht do dhintiúr ach cliceáil ar ‘tá’. Cruthófar leagan nua de do dhintiúr go huathoibríoch ansin agus beidh dáta bailíochta níos faide aige. Beidh ort an leagan nua seo den dintiúr a íoslódáil agus a shábháil, áfach, chun a chinntiú go mbeidh tú in ann do dhintiúr a rochtain amach anseo.  

Mo EDC a thuiscint

Tá trí shraith éagsúla mar chuid de Dhintiúir Dhigiteacha Eorpacha don Fhoghlaim: 

1. An íomhá achoimre: is é seo an gnáth amharcléiriú ar do dhintiúr ina mbeidh an t-eolas is lú faoi do dhintiúr go hiondúil: d’ainm, teideal an dintiúir agus aon eolas eile a roghnaigh eisitheoir an dintiúir a chur san áireamh.
2. An fíordheimhniú agus na seiceálacha fíoraithe: tugann na seiceálacha sin eolas duit faoi bhailíocht agus iontaofacht fhormáid theicniúil do dhintiúr agus a bharántúlacht. Cuirfidh siad ar an eolas thú freisin faoi na nithe seo a leanas: 
   a.    Cé a chuir séala leis an dintiúr (i.e. an t-eintiteas dlíthiúil a d’eisigh an dintiúr duit)
   b.    Má tá creidiúnú bailí nasctha leis (is cineál breise rialaithe cáilíochta é creidiúnú ar féidir le hinstitiúidí tagairt a dhéanamh dó don fhoghlaim fhoirmiúil más mian leo. Mar sin féin, bíonn dintiúir fós bailí gan chreidiúnú). 
   c.    Má bhain aon duine eolas don dintiúr, i.e. má choigeartaigh aon duine ábhar an chomhaid. Sa chás sin, chlisfí ar an séala agus theipfeadh ar na seiceálacha fíorúcháin sin, agus ar an gcaoi sin thuigfeadh aon duine a bhreathnaíonn ar do dhintiúr nach féidir muinín a bheith acu as ábhar an dintiúir a thuilleadh.
3. An t-ábhar: taispeántar an t-ábhar struchtúrtha dintiúr i rannán ina léirítear eolas shealbhóir an dintiúir agus an eisitheora, agus i sonraí faoin ngnóthachtáil/faoi na gnóthachtálacha, faoin ngníomhaíocht foghlama nó faoi na gníomhaíochtaí foghlama, faoin measúnú/faoi na measúnuithe nó faoin teidlíocht/faoi na teidil ar bronnadh dintiúr ort ina leith. 
    

Ar thaobh na láimhe clé d’Amharcóir EDC, gheobhaidh tú cluaisíní ar féidir cliceáil orthu chun rochtain a fháil ar na braislí eolais sin agus chun nascleanúint a dhéanamh eatarthu. Is féidir leat ábhar iomlán an dintiúir a fheiceáil ansin, mar sa bhreis ar do shonraí pearsanta (d’ainm ar a laghad), d’fhéadfadh cur síos ar an gcúrsa a chríochnaigh tú, ar do ghráid, ar na torthaí foghlama a bhain tú amach, nó aon eolas eile a rinne an eagraíocht eisiúna a dhoiciméadú i do dhintiúr a bheith san áireamh ann. Leis an eolas breise sin, is féidir leat sonraí do chuid foghlama a thaispeáint d’fhostóirí ionchasacha nó do pháirtithe seachtracha eile, ar féidir leo, ar a seal, do chuid eolais agus do chuid scileanna a fhíorú. 

Mo EDC a chomhroinnt

Tá EDCanna ceaptha chun comhroinnt a éascú le fostóirí ionchasacha, le soláthraithe oideachais agus oiliúna agus iarratas á dhéanamh acu ar dheis foghlama, nó le páirtithe eile, e.g. chun críoch aitheantais. Níor cheart duit comhad bunaidh an dintiúir féin a chomhroinnt riamh (is é sin an comhad a fuair tú trí ríomhphost nó a d’íoslódáil tú ó do thiachóg, i bhformáid JSON-LD). Is é seo an leagan bunaidh de do dhintiúr agus níor cheart go mbeadh rochtain ag aon duine eile air ach amháin tú féin. Chun do dhintiúr a chomhroinnt, is féidir leat ceann de na nithe seo a leanas a dhéanamh:

Tabhair do d’aire nach mbeidh tú in ann an nasc comhroinnte ná PDF a ghiniúint ach amháin trí rochtain a fháil ar an dintiúr ó do thiachóg Europass. 

Agus na naisc chomhroinnte nó an easpórtáil PDF á nginiúint agat, beidh ort dáta éaga a shonrú i gcónaí. Déantar é sin chun a chinntiú go mbeidh smacht agat i gcónaí ar do chuid sonraí féin. Trí dháta éaga a shocrú, cinnteoidh tú go mbeidh tríú páirtithe in ann do dhintiúir a rochtain agus a fhíorú ach nach mbeidh siad in ann do shonraí a choinneáil ar feadh tréimhse níos faide ná mar a ligfidh tú dóibh. Is féidir leat síneadh a chur le tréimhse bhailíochta an naisc chomhroinnte dhírigh nó an nasc atá san áireamh i d’easpórtáil PDF nó í a laghdú trí do chuntas Europass.

Conas is féidir liom Dintiúr Digiteach Eorpach don Fhoghlaim a fháil? 

Ar an gcaoi chéanna le dintiúir thraidisiúnta, eisíonn an institiúid a bhfuil eispéireas foghlama déanta agat léi EDCanna, nó eisítear thar a ceann iad. D’fhéadfadh an institiúid sin a bheith ina soláthraí oiliúna, ollscoil, nó aon eagraíocht eile. Chun a fháil amach an féidir leat do dhioplóma nó do theastas eile a fháil mar EDC, iarraimid ort dul i dteagmháil go díreach leis an institiúid ábhartha. 

Ceisteanna faoi mo EDC

Ní féidir ábhar dintiúir a choigeartú. I gcás inar aimsigh tú aon earráidí nó míchruinnis i do dhintiúr, níor mhór an dintiúr a atheisiúint. Má tá ceisteanna agat faoi ábhar do Dhintiúir Dhigitigh Eorpaigh don Fhoghlaim, déan teagmháil leis an institiúid a d’eisigh an dintiúr. 

Tabhair do d’aire nach féidir le baill foirne tacaíochta Europass ná EDC sonraí breise a sholáthar maidir le hábhar na ndintiúr agus nach féidir leo aon fhaisnéis atá i ndintiúr a athrú. Mura bhfuil tú cinnte faoin eagraíocht a d’eisigh an dintiúr duit, is féidir leat teacht ar an bhfaisnéis sin faoin táb ‘Eisitheoir’ agus tú ag féachaint ar an dintiúr. 

Má tá deacrachtaí agat úsáid a bhaint as do thiachóg Europass nó na dintiúir a fheiceáil, déan teagmháil le Deasc Chabhrach Europass le cur síos mionsonraithe ar an bhfadhb bheacht atá agat.