I measc na nDintiúr Digiteach Eorpach le haghaidh na foghlama, tá dioplómaí, tras-scríbhinní taifead agus réimse leathan cineálacha eile teastas gnóthachtála foghlama. Tá siad ilteangach agus sínithe le ríomhshéala uathúil (is é sin coibhéis dhigiteach stampa rubair institiúide). Fágann sé sin gur féidir le hinstitiúidí oideachais agus oiliúna dintiúir d’aon mhéid, d’aon chruth nó d’aon fhoirm a fhíordheimhniú, a bhailíochtú agus a aithint go héasca.

Céard is Dintiúir Dhigiteacha Eorpacha le haghaidh na foghlama ann?

Is féidir le Dintiúir Dhigiteacha Eorpacha le haghaidh na foghlama cur síos agus deimhniú a dhéanamh ar na nithe seo a leanas:

• cáilíochtaí (e.g. teastais ghairmiúla, dioplómaí ollscoile agus ghnóthachtálacha foghlama eile),
• gníomhaíochtaí (e.g. rannpháirtíocht i ranganna agus in imeachtaí foghlama seachfhoirmiúla),
• measúnuithe (e.g. tras-scríbhinní taifead), agus
• teidlíochtaí (e.g. an ceart chun clárú maidir le deiseanna foghlama, nó chun tabhairt faoi ghairm.)

Leis na seiceálacha ionsuite fíordheimhnithe agus fíoraithe a dhéantar ar an toirt go huathoibríoch, tacaítear leis an aitheantas agus cuidítear chun na hualaí riaracháin a laghdú trína léiriú láithreach an ndearnadh crioscaíl ar dhintiúr nó ar eisigh eagraíocht neamhúdaraithe é. Tá an bhailíocht dhlíthiúil chéanna ag Dintiúir Dhigiteacha Eorpacha le haghaidh na foghlama agus atá ag dintiúir pháipéarbhunaithe, agus aithnítear iad ar fud an Limistéir Eorpaigh Oideachais.

Buntáistí na ndintiúr digiteach

Tá go leor buntáistí ag baint leis na Dintiúir Dhigiteacha Eorpacha le haghaidh na foghlama do shaoránaigh, d’fhostóirí agus d’eagraíochtaí.