Chreat Comhchoiteann Tagartha Eorpach le haghaidh Teangacha

Tuigim focail a bhfuil taithí agam orthu agus roinnt frásaí anbhunúsacha fúm féin, faoin teaghlach agus faoi na rudaí atá thart timpeall orm nuair a labhraíonn daoine go mall soiléir.

Tuigim na frásaí agus na focail is minice a úsáidtear agus a bhaineann leis na réimsí is mó a bhfuil dlúthbhaint acu le mo shaol féin (mar shampla, eolas anbhunúsach fúm féin agus faoin teaghlach, siopadóireacht, ceantar áitiúil, fostaíocht). Faighim éirím an scéil i dteachtaireachtaí agus i bhfógraí atá soiléir simplí.

Tuigim na príomhphointí in aon chaint shoiléir chaighdeánach i dtaobh rudaí a thagann aníos go rialta i mo chuid oibre, ar scoil, fóillíocht agus araile. Má labhraítear go measartha mall agus go soiléir, tuigim an príomhphointe a bhaineann le go leor clár raidió agus teilifíse mar gheall ar chúrsaí reatha nó ábhair a bhfuil spéis phearsanta nó spéis ghairmiúil agam féin iontu.

Tuigim cainteanna agus léachtaí fada agus is féidir liom fiú amháin argóintí casta a leanúint ar ábhair a bhfuil taithí éigin agam orthu. Tuigim mórchuid na gclár nuachta agus cúrsaí reatha a fheicim ar an teilifís. Tuigim mórchuid na scannán a fheicim nuair is canúint chaighdeánach a labhraítear iontu.

Tuigim píosaí fada cainte fiú nuair nach mbíonn aon struchtúr soiléir ag baint leo agus fiú nuair nach ndéantar an gaol idir rudaí éagsúla a shainiú. Tuigim cláir theilifíse agus scannáin gan an iomarca dua.

Ní bhíonn aon deacracht agam aon ghné den teanga labhartha a thuiscint, idir chaint bheo agus chaint chraolta, fiú amháin nuair a labhraítear ar an luas is dual don chainteoir dúchais, fad is a bhíonn deis agam dul i dtaithí ar an mblas cainte.

Tuigim ainmneacha, focail agus abairtí an-simplí a bhfuil taithí agam orthu, mar shampla ar fhógraí agus ar phóstaeir nó i gcatalóga.

Is féidir liom téacsanna simplí anghearra a léamh. Is féidir liom eolas a aimsiú i ngnáthábhair ar nós fógrán, réamheolairí, cláir bhia agus cláir ama má tá a fhios agam gur dócha go mbeidh an t-eolas le fáil iontu. Tuigim litreacha pearsanta freisin, más litreacha gearra simplí iad.

Tuigim téacsanna nuair is gnáthfhoclóir coitianta is mó atá iontu, nó foclóir a bhaineann le hobair áirithe. Tuigim litreacha pearsanta a chuireann síos ar eachtraí, ar mhothúcháin agus ar mhianta.

Is féidir liom ailt agus tuairiscí a léamh ina gcuirtear síos ar fhadhbanna na linne agus ina gcuireann scríbhneoirí dearcadh nó tuairimí ar leith in iúl. Tuigim an prós liteartha comhaimseartha freisin.

Tuigim téacsanna fada casta, idir théacsanna faisnéise agus théacsanna liteartha agus tá tuiscint agam ar dhifríochtaí stíle. Tuigim ailt mar gheall ar shainábhair agus treoracha teicniúla fada, fiú má bhaineann siad le réimse éigin seachas mo réimse eolais féin.

Is féidir liom beagnach gach gné den teanga scríofa a léamh gan stró, fiú amháin téacsanna teibí agus téacsanna a bhfuil struchtúr nó friotal casta ag baint leo, cuir i gcás, lámhleabhair, ailt i dtaobh sainábhair agus saothair liteartha.

Is féidir liom idirghníomhú ar leibhéal an-simplí, fad is go mbíonn an duine eile sásta rudaí a athrá nó a rá ar shlí eile ar luas níos moille agus cabhrú liomsa an rud atá mise ag iarraidh a rá a chur i bhfriotal. Is féidir liom ceisteanna simplí a fhiafraí agus a fhreagairt i dtaobh riachtanas nó i dtaobh ábhar a bhfuil seantaithí agam orthu.

Is féidir liom cumarsáid a dhéanamh agus mé i mbun gnáth thascanna simplí agus eolas a mhalartú i dtaobh ábhar agus gníomhaíochtaí a bhfuil taithí agam orthu. Is féidir liom déileáil le comhráite sóisialta nach maireann ach seal an-ghearr, cé nach gnách go dtuigim féin go leor chun an comhrá a choinneáil ar siúl.

Is féidir liom déileáil le bunús na ndálaí a d’fhéadfadh a bheith ann le linn dom bheith ag taisteal i gceantar a bhfuil an teanga á labhairt ann. Ní theastaíonn aon réamhullmhúchán uaim le gur féidir liom dul i mbun comhrá ar ábhair a bhfuil taithí agam orthu, a bhfuil spéis phearsanta agam féin iontu nó a bhaineann leis an ngnáthshaol (mar shampla, an teaghlach, obair, taisteal agus cúrsaí an lae).

Bíonn mo chuid cainte sách líofa agus sách spontáineach chun gur féidir liom idirghníomhú le cainteoirí dúchais go rialta. Is féidir liom a bheith rannpháirteach i bplé ar bith ar ábhair a bhfuil taithí agam orthu agus is féidir liom mo thuairimí féin a mhíniú agus a chosaint.

Is féidir liom mé féin a chur in iúl go líofa réidh gan an chuma a bheith orm go bhfuil mé ag iarraidh nathanna cainte a thabhairt chun cuimhne. Is féidir liom an teanga a úsáid de réir mar a oireann i gcomhair cuspóirí sóisialta agus cuspóirí gairmiúla. Is féidir liom smaointe agus tuairimí a chur i bhfriotal go beacht agus cibé rud atá le rá agam féin a chur i gcomhthéacs an mhéid atá ráite ag cainteoirí eile.

Is furasta dom páirt a ghlacadh i gcomhrá nó i bplé ar bith agus tá eolas maith agam ar chora cainte agus ar ghnáthleaganacha cainte. Is féidir liom mé féin a chur in iúl go líofa agus bríonna caolchúiseacha a chur i bhfriotal go beacht. Más amhlaidh a bhíonn fhadhb agam, is féidir liom bealach timpeall uirthi a aimsiú chomh héasca sin agus nach léir do dhaoine go raibh aon fhadhb riamh agam.

Is féidir liom frásaí agus abairtí simplí a úsáid chun cur síos ar an áit a bhfuil mé i mo chónaí agus ar dhaoine a bhfuil aithne agam orthu.

Is féidir liom sraith frásaí agus abairtí a úsáid chun cur síos go simplí ar mo theaghlach agus ar dhaoine eile, ar dhálaí beatha, ar an oideachas a fuair mé, ar an bpost atá agam anois nó ar an bpost deireanach a bhí agam.

Is féidir liom frásaí a cheangal le chéile ar shlí shimplí d’fhonn cur síos ar eispéiris agus ar eachtraí, ar mo chuid mianta agus ar mo chuid uaillmhianta. Is féidir liom míniúcháin ghearra a thabhairt ar thuairimí agus ar phleananna. Is féidir liom plota leabhair nó scannáin a ríomh agus cur síos ar an gcaoi a dtéann sé i bhfeidhm orm.

Is féidir liom mionchuntais shoiléire a thabhairt ar raon leathan ábhar a bhaineann le mo réimse spéise féin. Is féidir liom mo dhearcadh ar ábhar éigin atá i mbéal na ndaoine a mhíniú agus na buntáistí is míbhuntáistí a bhainfeadh le roghanna eile a áireamh.

Is féidir liom cur síos go mion agus go soiléir ar ábhair chasta, foábhair a fhí isteach, pointí áirithe a fhorbairt agus clabhsúr oiriúnach a chur leis an rud atá le rá agam.

Is féidir liom cuntas a thabhairt nó argóint a dhéanamh go soiléir saoráideach i stíl a oireann don chomhthéacs agus mo chuid cainte a struchtúrú go héifeachtach loighciúil ar shlí a chabhraíonn le daoine a bheadh ag éisteacht liom pointí tábhachtacha a thabhairt faoi deara agus cuimhneamh orthu.

Is féidir liom cárta poist gearr simplí a scríobh, mar shampla le beannachtaí a chur chuig daoine agus mé ar laethanta saoire. Is féidir liom sonraí pearsanta fúm féin a bhreacadh síos ar fhoirmeacha, mar shampla m’ainm, náisiúntacht agus seoladh a scríobh ar fhoirm chláraithe óstáin.

Is féidir liom nótaí agus teachtaireachtaí gearra simplí a scríobh. Is féidir liom litir phearsanta an-simplí a scríobh, cuir i gcás ag gabháil buíochais le duine as rud éigin.

Is féidir liom téacs simplí a scríobh ar ábhair a bhfuil taithí agam orthu nó spéis phearsanta agam iontu. Is féidir liom litreacha pearsanta a scríobh ag cur síos ar eispéiris agus ar an gcaoi a dtéann rudaí i bhfeidhm orm.

Is féidir liom téacsanna soiléire mionsonracha a scríobh ar raon leathan ábhar ar spéis liom iad. Is féidir liom aiste nó tuairisc a scríobh chun eolas a sheachadadh nó chun cúiseanna a sholáthar i bhfabhar nó i gcoinne dearcadh áirithe. Is féidir liom litreacha a scríobh a léiríonn cén tionchar pearsanta a imríonn eachtraí agus eispéiris áirithe orm.

Is féidir liom mé féin a chur in iúl trí théacs soiléir, dea struchtúraithe a scríobh ina gcuirim mo thuairimí in iúl i mórán focal. Is féidir liom scríobh faoi ábhair chasta i litir, in aiste nó i dtuairisc, agus béim a chur ar na ceisteanna is mó a bhaineann le hábhar, dar liomsa. Is féidir liom stíl a roghnú atá oiriúnach don té a léifidh é.

Is féidir liom téacs soiléir soléite a scríobh i stíl oiriúnach. Is féidir liom litreacha, tuairiscí nó ailt a scríobh ar ábhair chasta agus an téacs a struchtúrú go héifeachtach loighciúil ar shlí a chabhraíonn le daoine a bheadh á léamh pointí tábhachtacha a thabhairt faoi deara agus cuimhneamh orthu. Is féidir liom achoimrí agus léirmheasanna a scríobh ar shaothair ghairmiúla agus liteartha.