Is minic a eascraíonn taithí thairbheach agus deiseanna chun do scileanna a fhorbairt as obair dheonach. Is féidir le Europass cabhrú leat do thaithí ar obair dheonach a phleanáil agus taifead a dhéanamh di.

Cabhróidh an seicliosta seo de leideanna agus eolais seo leat aitheantas a fháil do do cháilíocht agus tú ag ullmhú le dul ag staidéar i dtír eile.

Bí réidh le do chuid scileanna agus cáilíochtaí a chur i láthair fostóra nó earcaitheora áit ar bith san Eoraip ar bhealach sothuigthe. Seo a leanas seicliosta de leideanna agus eolas chun cabhrú leat tú féin a ullmhú le dul ag obair i dtír eile.

Tá Europass gníomhach i mbreis agus 30 tír. Roghnaigh ón liosta thíos chun tuilleadh eolais a fháil faoi obair a dhéanamh i dtíortha éagsúla. 

Déanann Lárionad Náisiúnta Europass na gníomhaíochtaí ar fad a bhaineann le Europass a chomhordú i ngach tír a ghlacann páirt in Europass. Is é an chéad phointe teagmhála é d’aon duine nó eagraíocht ar spéis leo Europass a úsáid nó tuilleadh a fhoghlaim faoi. 

Eolas maidir le seirbhísí úsáideacha náisiúnta agus de chuid an Aontais chun dul i mbun oibre sa Chróit.

Cad é ‘Mo Scileanna’?

Is cuid de Europass ‘Mo Scileanna’ a thugann achoimre ar do scileanna duit bunaithe ar an eolas a chuireann tú le do phróifíl. Úsáidfear an t-eolas i Mo Scileanna chun moltaí saincheaptha post agus cúrsaí a chur ar do shúile duit.

Conas is féidir liom mo phróifíl Europass a líonadh isteach?

Is próifíl phearsanta í do phróifíl Europass. Téigh go dtí an leathanach baile agus cliceáil ar an gcnaipe “Cruthaigh mo Europass”. Treorófar thú trí gach ceann de na céimeanna chun do phróifíl Europass a chruthú. A luaithe a bheidh do bhunphróifíl Europass (oideachas agus oiliúint, taithí oibre, scileanna teanga, scileanna digiteacha) líonta isteach agat, beidh tú in ann an chuid eile den phróifíl a nuashonrú agus a chur in eagar de réir na dtionscadal, na ngnóthachtálacha agus na scileanna eile is mian leat a chur ar taifead.

Má chláraíonn tú le Europass, beidh tú in ann codanna eile a chur isteach agus próifíl fhairsing a chruthú ina mbeidh taifead de do scileanna, do cháilíochtaí agus do chuid taithí in aon áit amháin.

Mura gcláraíonn tú, ní bheidh tú in ann próifíl bhuan a choimeád ná rochtain a fháil ar uirlisí gaolmhara eile ar nós Mo Leabharlann nó Mo Scileanna.

Cad is próifíl Europass ann?

Is í do phróifíl Europass do spás pearsanta ar líne inar féidir leat do scileanna, do chuid foghlama agus do chuid taithí oibre ar fad a chlárú, chomh maith le gnóthachtálacha agus eolas eile. Beidh an phróifíl mar ionad uilechuimsitheach ar a mbeidh tú in ann do chuid eolais a eagrú. Cuideoidh do phróifíl leat do scileanna agus do chuid taithí ar fad a chur ar taifead agus a fheiceáil in aon áit amháin. Is féidir leat an t-eolas i do phróifíl Europass a úsáid chun CVanna a chruthú do phoist nó cúrsaí ar leith a mbeifeá ag cur isteach orthu.

Cén costas a bhaineann le Europass?

Is tacar uirlisí agus eolais saor in aisce ar líne é Europass atá curtha ar fáil ag an gCoimisiún Eorpach. Níl aon chostas folaithe ná táille bhreise ag baint leis. Tabhair faoi deara nach féidir leat CV ná aon seirbhís a cheannach ó Europass. Tá gach seirbhís a chuireann Europass ar fáil saor in aisce agus ní iarrfar ort choíche sonraí bainc a thabhairt ná íocaíochtaí a dhéanamh. Má iarrtar a leithéid ort, téigh i dteagmháil leis na húdaráis náisiúnta lena mbaineann.

Subscribe to
Téigh go dtí an leathanach roimhe seo