Tista’ tispjega l-għodod differenti offruti mill-Europass?

Jekk tirreġistra mal-Europass se jkollok aċċess għall-għodod kollha li ġejjin:

  • Il-profil tal-Europass – l-ispazju online personali liberu tiegħek biex tirrekordja l-ħiliet, il-kwalifiki u l-esperjenzi tiegħek;
  • Il-librerija Europass – tista’ taħżen, tixxerja u torganizza d-dokumenti tiegħek;
  • L-Interessi Tiegħi – tista’ tirrifletti u tidentifika l-interessi tal-karriera jew tat-tagħlim tiegħek; 
  • Il-Ħiliet Tiegħi – tista’ tagħti ħarsa ġenerali tal-ħiliet tiegħek fil-profil tiegħek;
  • L-Editur online – tista’ toħloq CVs u ittri ta’ akkumpanjament differenti biex tqabbilhom mal-applikazzjonijiet tiegħek;
  • It-tiftixa ta’ impjiegi u korsijiet – se jkollok aċċess għal bażi ta’ data kbira ta’ impjiegi u korsijiet fl-Ewropa kollha.

Anki jekk m’intix reġistrat, għandek aċċess għal xi għodod li jinkludu l-Editur Online u t-Tiftixa għall-impjiegi u l-korsijiet.

Għaliex għandi nuża l-Europass?

Il-Europass joffrilek għodod li jgħinuk tirrekordja l-ħiliet, il-kwalifiki u l-esperjenzi tiegħek u tfittex u tapplika għal impjiegi jew korsijiet ġodda.

Il-Europass jippreżentalek l-informazzjoni u l-punti ta’ kuntatt rilevanti pprovduti minn sorsi Ewropej u nazzjonali fdati, li jgħinuk tagħmel deċiżjonijiet infurmati dwar il-karriera.

Tista’ tirreġistra biex toħloq il-profil tal-Europass tiegħek u tagħmel l-aħjar użu mill-għodod u l-informazzjoni kollha disponibbli fil-Europass.

Hemm opportunitajiet bla limitu biex taħdem u ssib opportunitajiet ġodda ta’ impjieg madwar l-Ewropa kollha. Il-Europass jista’ jgħinek tippjana l-karriera tiegħek, tikseb ħiliet ġodda u ssib l-opportunità l-ġusta biex tpoġġihom fis-seħħ.
Hemm opportunitajiet bla limitu biex tistudja, titħarreġ u ssib opportunitajiet ġodda ta’ tagħlim madwar l-Ewropa kollha. Il-Europass jista jgħinek tippjana t-tagħlim tiegħek u ssib l-opportunità ġusta biex tiżviluppa l-ħiliet tiegħek.

X’inhu l-Europass?

Il-Europass hu sett ta’ għodod u informazzjoni online li jgħinek timmaniġġja kull pass tat-tagħlim u l-karriera tiegħek. L-għodod u l-informazzjoni jgħinuk tikkomunika l-ħiliet, il-kwalifiki u l-esperjenzi tiegħek b’mod ċar u konsistenti fl-Ewropa kollha. Il-Kummissjoni Ewropea żviluppat il-Europass.

Subscribe to
Mur fil-paġna ta’ qabel