Информациите за нивото на ЕКР може да бидат содржани во вашите квалификациски документи (диплома, сертификат, уверенија), или ваквите информации можете да ги побарате од институцијата каде што сте учеле.

Европската квалификациска рамка (ЕКР) е алатка на ЕУ што ги прави квалификациите разбирливи во државите и системите. ЕКР дозволува квалификациите стекнати во која било европска држава да се разберат преку едноставен систем на осум нивоа. Информациите за ЕКР може да бидат вклучени во вашата квалификациска диплома, додаток на диплома или додаток на сертификат. Можете да вклучите информации за нивото на квалификација на ЕКР во вашата кратка биографија и апликации за да им помогнете на работодавците или институциите за образование и обука во други држави да ги разберат вашите квалификации

Европас е достапен на следниве јазици на државите-учеснички во Европас:

• бугарски
• хрватски
• чешки
• дански
• холандски
• англиски
• естонски
• фински
• француски
• германски
• грчки
• унгарски
• український
• исландски
• ирски
• италијански
• латвиски
• литвански
• македонски
• малтешки
• норвешки
• полски
• португалски
• романски
• српски
• словачки
• словенечки
• шпански
• шведски
• турски
• црногорски јазик

Ажурирајте го вашиот пребарувач или размислувајте за користење на друг, на пример, последната верзија на Firefox, Chrome, или Internet Explorer. Доколку проблемот продолжи, контактирајте го Европас тимот.

Да, можете да го користите Европас на таблети и мобилни телефони,  на различни веб-пребарувачи и различни големини на прозорци со различни резолуции.

Ве советуваме само да кликнете на "Ја заборавивте лозинката?" на страницата за најавување. Имајте предвид дека не можете да ја ресетирате вашата лозинка ако вашата сметка е заклучена. Сепак, одделот за помош за најавување во ЕУ ќе може да ви помогне. Ве молиме, најдете ја целата постапка опишана на страницата за најавување.

За да се регистрирате во „Европас“, прво треба да креирате ваше „ЕУ најавување“ , што Комисијата на ЕУ го нуди како корисничка услуга. За да креирате „ЕУ најавување“, ја внесувате вашата е-пошта и креирате лозинка. Потоа ќе добиете е-пошта со линк што ќе ви овозможи да го завршите процесот на регистрација. Како регистриран корисник можете да почнете да го користите Европас. Регистрираните корисници имаат целосен пристап до сите алатки на Европас, вклучувајќи го и профилот, библиотеката и предлозите за работни места и курсеви.

Страницата „Јас“ е интерактивен приказ на сите ваши информации во Европас. Од страницата „Јас“ можете да пристапите до најновата верзија на вашиот профил. Може да гледате предлози за работни места и курсеви што ги одбирате, или зачувувате како омилени. Можете, исто така, да пристапите до кратката биографија и мотивациското писмо, или да додавате нови информации во „Мои вештини“ и „Мои интереси“. Можете да ја видите и вашата „Повратна активност“, која дава преглед на сите ваши неодамнешни активности на Европас и да ги видите Мои поставки каде можете да управувате со поставките за приватност (заштита на лични податоци).

Да, можете да поставите слики, датотеки, или да додадете линкови до видеа од релевантни делови од вашиот Европас профил, кои автоматски ќе се чуваат во вашата Европас библиотека ако сте регистриран корисник.

Европас е ваш профил и никој друг не може да пристапува до него, или до вашите информации. Можете да изберете да го споделите вашиот профил (или делови од вашиот профил) со кого сакате. На пример, можете да го споделите вашиот профил со работодавецот како дел од апликацијата за работа. Регистрираните корисници, исто така, можат да го споделат линкот до нивниот профил за одреден временски период.