Вашиот Европас профил е ваш онлајн простор за снимање на вашите вештини, квалификации и искуства. Можете да вклучите информации за сите ваши вештини, достигнувања и проекти од сите аспекти на вашиот живот - работа, дом, студии, волонтирање и хоби. Никогаш не вклучувајте чувствителни лични информации на вашиот профил, како што се вашето здравје, убедувања, или информации што не се релевантни за вашата кариера и студии.

Од вас се бара да ги пополните само задолжителните полиња (име и презиме). Имате право да изберете делови кои сакате да ги пополните и можете да додадете нови делови со наслов што сами ќе го изберете, да ги опишете своите вештини, достигнувања и проекти. Како и да е, важно е да го ажурирате вашиот Европас профил со вашите нови вештини, квалификации и искуства за да имате секогаш ажуриран профил.

Можете да креирате ваш Eвропас профил на 30 различни јазици. Кога ќе го креирате вашиот профил, можете да изберете соодветен јазик за создавање на вашиот профил.

Не, не морате да го пополните целиот Европас профил одеднаш. Всушност, многу ретко би ги употребиле сите елементи, или би ги пополниле сите делови одеднаш. Правењето профил е тековен процес и треба да го ажурирате секојпат кога сте завршиле со студии, со ново работно искуство, или, пак, сакате да забележите нови вештини што сте ги развиле.

Вашиот Европас профил е приватен, но можете да споделите линк од него со работодавците, образовните институции, или советниците за насочување како помош, или како дел од вашата апликација. Можете да го споделите вашиот целосен профил, или да изберете специфични делови од вашиот профил за споделување. Можете да го споделите профилот за одреден временски период и можете да го „избришете“ линкот во секое време, така што веќе нема да биде видлив за надворешни страни. Секогаш осигурајте се дека го знаете идентитетот на оној со кого го споделувате вашиот профил и никогаш не споделувајте чувствителни, лични информации

Заедничката европска референтна рамка за јазици е упатство од Советот на Европа што се користи за да се опишат достигнувањата на учениците за странски јазици. ЗЕРРЈ (CEFR) овозможува метод на учење, предавање и проценување што важи за сите јазици во Европа. ЗЕРРЈ вклучува шест референтни нивоа, кои се користат низ цела Европа за да може да се разбере познавањето на јазиците. ЗЕРРЈ (CEFR) мрежата за самопроценка се користи на Европас профилот за да им помогне на луѓето да ја самопроценуваат подготвеноста на својот јазик.