Er du engasjert i barn og unge
og vil bidra til trygge, inkluderande og kjekke fritidsarenaer? Aurland fritidsklubb har ledig stilling som klubbmedarbeidar i 22,54 % fast stilling, frå snarast.
Stillinga fyl skuleåret og har arbeidstid etter vaktplan, ettermiddag og kveld.
Fritidsklubben ligg sentralt til ved Aurlandshallen og har tre tilsette. Klubben er ein trygg og ungdomsstyrt møteplass med varierte aktivitetar for fleire aldersgrupper:
- aktivitetsklubb for 5.–7. trinn på onsdagar
- ungdomsklubb for 8. trinn til 18 år på fredagar
- leksehjelp for alle på tysdagar
Vi har store og moderne lokale med gamingrom (Xbox og Playstation 5), biljard, bordtennis, airhockey, hobbyrom og dansegolv. I tillegg brukar vi uteområda ved skulen og Aurlandshallen til ulike aktivitetar gjennom året.
Fritidsklubben er ein del av kommunalområde Oppvekst, organisert som avdeling under Aurland barne- og ungdomsskule (ABU). Arbeidet inneber tett samarbeid med dei andre avdelingane, og du blir ein viktig bidragsytar i eit inkluderande og utviklingsorientert miljø.
Stillinga kan kombinerast med anna arbeid, og passar godt for deg som ønskjer ei meiningsfylt deltidsstilling, der du bidreg til at ungdomane våre får ein god oppvekst.
Arbeids- og ansvarsområde
Som klubbmedarbeidar vil du mellom anna:
- legge til rette for trivsel og trygge rammer på fritidsklubben
- vere ein trygg og tilgjengeleg vaksenperson for barn og unge
- utvikle og gjennomføre prosjekt i samarbeid med andre avdelingar i kommunalområdet
- utføre daglege rutinar som reinhald, rydding og handtering av oppmøtelister
Vi tilbyr
- ei utfordrande stilling med moglegheit for utvikling og fagleg påverknad
- bli ein del av ein triveleg arbeidsplass der arbeidsmiljø står i sentrum
- gode pensjons- og forsikringsordningar
- løn etter tariff, kvelds- og nattillegg
- minimum 6 år ansiennitet ved fagbrev og høgskuleutdanning
- gratis inngang til treningsrom i Aurlandshallen (førebels ut 25)
- gratis inngang til symjehallen (førebels ut 2025)
- å formidle kontakt med utleigar av ledige husvære
- eventuell informasjon om ledige stillingar til partar, samt moglegheit for utlån av kontorfasilitetar (kontorhub)
Sjå gjerne informasjonsbrosjyre om kommunen vår her.
Video: https://www.youtube.com/watch?v=aFXLAnqaUbIKvalifikasjonar
Vi ser etter deg som har:
- fagbrev som barn- og ungdomsarbeidar
- relevant erfaring frå arbeid med barn og unge
Har du dei rette personlege eigenskapane, kan vi vurdere søkarar utan fagbrev og erfaring.
Personlege eigenskapar
Du må ha interesse for, og trivast med, å jobbe med barn og unge. Personlege eigenskapar vil bli tillagt stor vekt i vurderinga.
I tillegg ynskjer vi at du:
- er ansvarsfull og påliteleg
- er god til å byggje tillit
- er kreativ og engasjert
- er omsorgsfull og trygg i møte med barn og unge
- tek initiativ og bidreg til aktivitet og utvikling
- samarbeider godt med både kollegaer og ungdom
Aurland kommune er i stadig utvikling, og vi forventar at klubbmedarbeidaren bidreg aktivt i utviklingsarbeid og samarbeid på tvers av avdelingane.
Våre verdiar er: L-Æ-R, som står for Likeverd, Ærlegdom og Respekt.
Løns- og tilsetjingsvilkår
- tilsetting, løn og arbeidsvilkår er i samsvar med gjeldande lover, reglement og tariffavtale
- stillinga inneber ettermiddag- og kveldsarbeid
- ved tilsetjing må det leggast fram politiattest av nyare dato
Krav til språk
Du må kunne kommunisere godt på norsk, både munnleg og skriftleg. Aurland kommune nyttar nynorsk som målform.
Generell informasjon
Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg.
Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere.
NB! Me overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.
Treng du hjelp i samband med søknaden, ta kontakt med Jobbnorge på telefon +47 75 54 22 20, mandag til fredag mellom kl. 08.00-16.00, eller send E-post til support@grade.no. Du vil få raskt svar, og veldig god hjelp av hyggelege medarbeidarar.
Me ynskjer deg velkomen som arbeidssøkar i Aurland kommune.
Om arbeidsgiveren:
Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1 840 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, kulturskule, klatring, handball, fotball, friidrett og boksing.
På kulturskulen kan ein få opplæring i gitar, trommer, bass og biletkunst, dans m.m. Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.