Kif nissejvja s-CV tal-Europass tiegħi?

Dejjem se tkun notifikat dwar l-għażliet li għandek wara li tlesti s-CV tiegħek:

Bħala utent reġistrat, tista’ tiddawnlowdjaha fl-apparat lokali tiegħek jew taħżinha fil-Librerija tal-Europass tiegħek.

Bħala mistieden, tista’ tiddawnlowdjaha fl-apparat lokali tiegħek.

Il-Europass jista’ jittraduċi s-CV tal-Europass u l-Ittra ta’ Akkumpanjament tiegħi?

Tista’ toħloq il-profil tal-Europass tiegħek, CV tal-Europass u Ittra ta’ Akkumpanjament f’29 lingwa differenti. Madankollu, il-Europass ma jittraduċix l-informazzjoni li inti diġà pprovdejt fil-profil tiegħek jew fid-dokumenti tiegħek.

Nista’ noħloq verżjonijiet differenti tas-CV tiegħi tal-Europass?

Tista’ toħloq verżjonijiet differenti tas-CV tiegħek tal-Europass. Tista’ wkoll tagħmel użu mit-templates viżivi differenti disponibbli. L-utenti reġistrati jistgħu jaħżnu l-verżjonijiet differenti fil-Librerija tal-Europass tagħhom. L-utenti mistiedna jistgħu jiddawnlowdjaw il-verżjonijiet differenti tas-CV tal-Europass tagħhom u jaġġornawhom aktar tard.

Tlift is-CV tal-Europass tiegħi. X'nista' nagħmel?

Jekk int mistieden, l-informazzjoni li ddaħħal fil-profil tal-Europass se tkun disponibbli għal 48 siegħa wara l-aħħar żjara.

Bħala utent reġistrat, l-informazzjoni tiegħek se tiġi ssejvjata għal żmien itwal u tista’ tissejvja s-CVs tal-Europass u l-Ittri ta’ Akkumpanjament fil-Librerija tiegħek.

Nista’ nippersonalizza s-CV tal-Europass tiegħi?

Bl-editur tas-CV tal-Europass tiegħek tista’ żżid, tneħħi u teditja t-taqsimiet tas-CV kif tixtieq. Taqsimiet bħal “Esperjenza ta’ xogħol” u “Edukazzjoni u taħriġ” jistgħu jiġu mċaqalqin, editjati jew imneħħijin. Tista’ wkoll toħloq taqsimiet personalizzati, bl-ismijiet li tagħżel, skont il-ħtiġijiet u l-esperjenzi tiegħek.

Wara li timla t-taqsimiet preferuti, tkun tista’ tagħżel format ta’ CV xieraq minn lista ta’ templates differenti. Dan jippermettilek taġġusta d-dehra u s-sensazzjoni ta’ kull CV għal kull applikazzjoni.

Fejn nista’ naġġorna s-CV tal-Europass tiegħi?

Jekk int utent reġistrat, tista’ taħżen is-CV tal-Europass tiegħek fil-Librerija tal-Europass tiegħek u teditjah fi kwalunkwe ħin. Jekk int utent mistieden, tista’ timporta l-Europass tiegħek fl-Editur Online u tagħmel kull tibdil li għandek bżonn u tiddawnlowdja s-CV mill-ġdid.

Fejn nista’ naħżen is-CV tal-Europass tiegħi?

Tista’ taħżen is-CV tal-Europass tiegħek bil-modi li ġejjin:

  • Fil-Librerija tal-Europass tiegħek (utenti reġistrati biss)
  • Iddawnlowdjah fl-apparat lokali tiegħek (desktop jew apparat mobbli)

F’liema format nista’ nissejvja s-CV tal-Europass tiegħi?

Bħalissa, tista’ tissejvja s-CV tal-Europass tiegħek f’verżjoni PDF tal-Europass.

Ma nistax inżid ritratt fuq is-CV tal-Europass tiegħi?

Jekk jogħġbok iċċekkja jekk applowdjajtx ir-ritratt fil-format ta’ fajl it-tajjeb: PNG, JPG.

Jekk dan hu l-każ, kun ċert li d-daqs tal-fajl tiegħek hu anqas minn 20 MB.

M’iniex ċittadin Ewropew. Nista’ nuża l-Europass?

Iva, il-Europass hu sett bla ħlas ta’ għodod online u informazzjoni għal kulħadd irrispettivament min-nazzjonalità jew mill-pajjiż ta’ residenza tiegħek.

Subscribe to
Mur fil-paġna ta’ qabel