Fejn nista’ naħżen is-CV tal-Europass tiegħi?

Tista’ taħżen is-CV tal-Europass tiegħek bil-modi li ġejjin:

  • Fil-Librerija tal-Europass tiegħek (utenti reġistrati biss)
  • Iddawnlowdjah fl-apparat lokali tiegħek (desktop jew apparat mobbli)

F’liema format nista’ nissejvja s-CV tal-Europass tiegħi?

Bħalissa, tista’ tissejvja s-CV tal-Europass tiegħek f’verżjoni PDF tal-Europass.

Ma nistax inżid ritratt fuq is-CV tal-Europass tiegħi?

Jekk jogħġbok iċċekkja jekk applowdjajtx ir-ritratt fil-format ta’ fajl it-tajjeb: PNG, JPG.

Jekk dan hu l-każ, kun ċert li d-daqs tal-fajl tiegħek hu anqas minn 20 MB.

M’iniex ċittadin Ewropew. Nista’ nuża l-Europass?

Iva, il-Europass hu sett bla ħlas ta’ għodod online u informazzjoni għal kulħadd irrispettivament min-nazzjonalità jew mill-pajjiż ta’ residenza tiegħek.

Il-Europass jista’ jgħinni nikseb rikonoxximent tal-ħiliet u l-kwalifiki tiegħi?

Il-Europass jista’ jgħinek tikkomunika l-ħiliet, il-kwalifiki u l-esperjenzi tiegħek b’mod ċar u konsistenti. L-użu tal-Europass ma jintitolakx għal rikonoxximent awtomatiku tal-ħiliet u l-kwalifiki tiegħek jew drittijiet oħrajn. Il-profil tal-Europass, u d-dokumenti tal-Europass bħas-Suppliment għad-Diploma, is-Suppliment għaċ-Ċertifikat u l-Mobbiltà tal-Europass jistgħu jkunu ta’ għajnuna biex jispjegaw il-ħiliet u l-kwalifiki tiegħek lill-impjegaturi, l-istituzzjonijiet tal-edukazzjoni u t-taħriġ u oħrajn.

Nista’ nuża jew nirriproduċi l-informazzjoni li tinsab fis-sit web tal-Europass?

Tista’ tuża l-informazzjoni fuq is-sit web tal-Europass jekk tirrikonoxxi s-sors (© Unjoni Ewropea).

Jien agħmi jew nieqes mid-dawl. Nista’ nuża s-CV tal-Europass?

Iva, il-Europass ġie żviluppat b’kunsiderazzjoni bir-reqqa għall-persuni neqsin mid-dawl u għall-għomja. Hu jappoġġja t-teknoloġija ta’ assistenza u jipprovdi alternattivi għal persuni b’tali sfidi.

X’inhuma ċ-Ċentri Nazzjonali tal-Europass?

Ċentru Nazzjonali tal-Europass jikkoordina l-attivitajiet kollha relatati mal-Europass f’kull pajjiż li jipparteċipa fil-Europass. Dan hu l-ewwel punt ta’ kuntatt għal kull persuna jew organizzazzjoni interessata li tuża jew titgħallem aktar dwar l-Europass. Tista’ tikkuntattja ċ-Ċentru Nazzjonali tal-Europass ta’ pajjiżek jew il-pajjiż li jinteressak li taħdem jew titgħallem fih.

Kif nikseb appoġġ f’pajjiżi?

Tista’ tfittex informazzjoni u servizzi li jgħinuk f’pajjiżi differenti permezz tat-taqsimiet Tgħallem fl-Ewropa u Aħdem fl-Ewropa tal-Europass. Agħżel mil-lista l-pajjiż li jinteressak.

Għal aktar informazzjoni dwar il-Europass, tista’ tikkuntattja liċ-Ċentru Nazzjonali tal-Europass f’pajjiżek.

Kif nista’ niċċekkja l-livell tal-kwalifika tiegħi fil-livell tal-Qafas Ewropew tal-Kwalifiki (QEK)?

L-informazzjoni dwar il-livell tal-QEK tista’ tiġi inkluża fid-dokumenti tal-kwalifika tiegħek (diploma, ċertifikat, traskrizzjonijiet) jew tista’ tistaqsi lill-istituzzjoni fejn studjajt għal din l-informazzjoni.

Subscribe to
Mur fil-paġna ta’ qabel