Vinteren 1028-1029 flykta kong Olav Haraldsson frå sine fiendar inn Storfjorden, gjennom Valldal og vidare over fjella til Lesja på veg mot eksil.
Tusen år seinare skal denne historia løftast fram når Møre og Romsdal markerer Nasjonaljubileet i 2029 med tema folketradisjon, året før den store nasjonale markeringa på Stiklestad i 2030. Saman er vi Nasjonaljubileet 2030 -- Noreg i 1000 år.
Vi søkjer etter ein samlande og initiativrik regional prosjektleiar som ikkje berre koordinerer, men som aktivt utviklar, sett i gang og driv arbeidet framover mot markeringa i Møre og Romsdal. Du får ei sentral rolle i å samle kommunar, institusjonar, tru- og livssynsaktørar, frivillige og næringsliv til ei markering som både engasjerer regionalt og blir synleg nasjonalt.
Om stillinga
Som regional prosjektleiar får du ansvar for å planleggje og gjennomføre markeringa av Nasjonaljubileet 2029 i Møre og Romsdal.
Du skal initiere samarbeid, stimulere til aktivitetar i heile fylket og bidra til at historia og folketradisjonane i Møre og Romsdal får ein tydeleg plass i jubileet. Arbeidet skjer i tett samarbeid med prosjektgruppe, ressursgrupper, styringsgruppa, den nasjonale jubileumsorganisasjonen og ei rekkje regionale samarbeidspartnarar.
Arbeidsoppgåver
-
leie planlegging og gjennomføring av Nasjonaljubileet 2029 i Møre og Romsdal
-
initiere, utvikle og koordinere aktivitetar og arrangement som styrkar jubileet, i samarbeid med lokale og regionale aktørar
-
byggje nettverk og skape samarbeid mellom kommunar, tru- og livssynsaktørar, kulturinstitusjonar, frivillig sektor og næringsliv, som kan føre til varig verdiskaping
-
bidra til synleggjering av Møre og Romsdal si historie og kultur i jubileumsmarkeringa
-
sikre framdrift, utvida finansiering, koordinering og god forankring i arbeidet
Kven vi ser etter
Vi ser etter deg som
-
har erfaring med planlegging og gjennomføring av større prosjekt eller arrangement
-
har god samfunnsforståing og interesse for kultur, historie og samfunnsutvikling
-
trivst med å jobbe sjølvstendig, samtidig som du samarbeider godt med andre
-
er ein relasjonsbyggar som tek tydeleg initiativ og skaper framdrift i samarbeid med andre
-
arbeider strukturert og målretta
Relevant høgare utdanning er ein fordel, men ikkje eit krav. Lang og relevant erfaring kan kompensere for manglande utdanning. Personlege eigenskapar vil bli vektlagt.
Vi tilbyr
-
ei sentral rolle i eit nasjonalt jubileum med regionalt ansvar
-
moglegheit til å løfte fram Møre og Romsdal sin plass i historia
-
eit engasjert fagmiljø og samarbeid med aktørar over heile landet
-
varierte, utfordrande og meiningsfulle arbeidsoppgåver
Arbeidsstad og vilkår
Arbeidsstaden er Valldal i Fjord kommune, Møre og Romsdal, der prosjektet har si base. Valldal har ei særleg historisk tilknyting til jubileet gjennom flukta til Olav Haraldsson i 1029.
Noko reiseverksemd må påreknast, og søkjar må disponere eigen bil. Det kan leggjast til rette for noko fleksibilitet når det gjeld arbeidsstad. Stillinga er ei treårig prosjektstilling.
Lønn etter avtale og kvalifikasjonar.
Gode pensjons- og forsikringsordningar.
Søk stillinga
Vil du vere med å forme korleis Møre og Romsdal skal markere Noreg i 1000 år?
Send oss søknad og CV som fortel kven du er og kvifor denne stillinga passer for deg. Vi ser etter deg som har ideane, energien og gjennomføringskrafta til å gjere Nasjonaljubileet 2029 til ei oppleving heile fylket vil hugse. Aktuelle kandidatar vil bli kalla inn til intervju.
Om arbeidsgiveren:
Arbeidsgjevar er Fjordhagen AS, næringshagen i Fjord kommune, med kontor i eit hyggeleg kontorfellesskap i Valldal sentrum. Den som vert tilsett får Valldal som hovudarbeidsstad og vil bidra til å byggje vidare prosjektmiljøet lokalt fram mot jubileet i 2029.
Fjordhagen arbeider med næringsutvikling, gründerstøtte og ulike prosjekt, og har for tida 3 tilsette fordelt på 2 årsverk.