Viðurkenning á færni og menntun og hæfi er lykilatriði þegar kemur að því að styðja hreyfanleika og tækifæri allra til náms og starfa hvar sem er á EES-svæðinu.

Þjónustan sem býðst á Europass kemur að góðum notum fyrir mannauðssérfræðinga, ráðningaraðila og náms- og starfsráðgjafa sem þurfa aðgang að áreiðanlegum verkfærum og upplýsingum til að átta sig á kunnáttu og hæfi starfsumsækjenda.

Evrópska verkfærið til að stýra námi og starfsferli

Europass er margmála verkfæri sem gerir nemendum eða væntanlegum nemendum kleift að halda til haga á einum stað öllum gögnum um færni sína, menntun, hæfi og reynslu. Notendur Europass geta búið sér til persónulegan prófíl með öruggum netbúnaði þar sem þeir geta skilgreint markmið sín og haft yfirlit yfir allt það sem þeir hafa lært og tekið sér fyrir hendur.

Nemendur geta einnig notað prófílinn meðan á námi stendur til að halda skrá yfir verkefni, árangur og framfarir.

Markmið ESB með Evrópska viðmiðarammanum um menntun og hæfi (e. European Qualifications Framework, EQF) var að búa til verkfæri sem auðveldaði fólki að átta sig á og bera saman menntun og hæfi mismunandi landa. EQF-rammanum er ætlað að styðja við hreyfanleika yfir landamæri meðal námsfólks og launafólks í Evrópu og efla nám alla ævi og þróun í starfi.