Jeħtieġli nikkompleta t-taqsimiet kollha tal-profil tal-Europass?

Il-profil tal-Europass tiegħek hu l-ispazju online tiegħek biex tirrekordja l-ħiliet, il-kwalifiki u l-esperjenzi tiegħek. Inti meħtieġ timla biss oqsma mandatorji (isem u kunjom). Tista’ tagħżel liema taqsimiet trid tikkompleta u tista’ żżid taqsimiet ġodda b’titlu li tagħżel biex tiddeskrivi l-ħiliet, il-kisbiet u l-proġetti tiegħek. Madankollu, hu importanti li l-profil tal-Europass jiġi aġġornat bil-ħiliet, il-kwalifiki u l-esperjenzi ġodda tiegħek sabiex dejjem ikollok profil aġġornat.