Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Video:
https://youtu.be/M5n6RnScNgARådgjevar ved institutt for biomedisin, Det medisinske fakultet
Ved Det medisinske fakultet, Institutt for biomedisin, er det oppretta ei ny fast stilling som rådgjevar knytt til utdanningsadministrasjon og utdanninga av instituttet og fakultetet sine studentar. Dette inneber koordinering, rådgjeving, rettleiing og oppfølging av studentar og emne, men òg assistanse og teknisk tilrettelegging av laboratoriekurs i kjemi/biokjemi og fysiologi.
Stillinga passar særs bra for deg som har høgare utdanning innanfor biomedisin, biokjemi, biologi eller kjemi, og er strukturert, fleksibel, liker variasjon, og tek ei utfordring på strak arm. Du må arbeide nøyaktig og effektivt, halde hovudet kaldt i hektiske periodar, men òg vere utviklingsorientert og ha auge for forbetringsarbeid i rolegare periodar.
Institutt for biomedisin er eit av fem institutt ved Det medisinske fakultet og har som oppgåve å drive medisinsk forsking, rettleiing og undervising på høgt internasjonalt nivå for å oppnå fakultetet sin visjon «ny kunnskap for betre helse». Instituttet gjer det meste av forskinga si på biologiske mekanismar innan mennesket si helse og sjukdom, og har viktige oppgåver både i legeutdanninga, mastergradsutdanning og ph.d.-utdanning innan medisin, farmasi, ernæring og odontologi.
Instituttadministrasjonen gjev den faglege verksemda teknisk og administrativ støtte og har mellom anna ansvar for studieadministrasjon, forskingsadministrasjon, økonomiforvalting, prosjektstyring, personal, HMS og infrastruktur. Gruppeleiar for studieadministrasjon er arbeidsleiar og administrasjonssjefen personalleiar for stillinga.
Arbeidsoppgåver:
- Generelle utdanningsadministrative oppgåver, til dømes koordinering, rådgjeving, rettleiing og oppfølging av studentar og emne
- Praktisk undervisning, assistanse og teknisk tilrettelegging av laboriatoriekurs
- Bidra inn mot forskarutdanninga på instituttet
- Støtte og rådgjeving til fagleg tilsette i studieplanlegging og utdanningsrelaterte prosessar
- Saksbehandling, utgreiing og utvikling som krev stor grad av sjølvstende og problemløysing
- Bidra til utvikling og forbetring av administrative rutinar og digitale arbeidsprosessar
- Delta i prosjekt- og utviklingsarbeid knytt til utdanningsområdet, og bidra inn mot kvalitetsarbeid i utdanningane
- Samhandle med interne og eksterne samarbeidspartnarar (t.d. fakultet, institutt, andre utdanningsinstitusjonar)
- Planlegge og koordinere ulike arrangement
- Formidling og kommunikasjonsarbeid
Alle i administrasjonen vil måtte ta del i andre administrative oppgåver i tillegg til dei spesifikke oppgåvene lagt til stillinga
Det kan bli aktuelt å leggje andre oppgåver til stillinga.
Kvalifikasjonar og eigenskapar:
- Søkjar må ha mastergrad innan biomedisin, biokjemi, biologi eller kjemi. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
- Søkjar må ha erfaring med praktisk undervisning og laboriatoriearbeid
- Det kreves erfaring frå studieadministrativt arbeid, saksbehandling og rettleiingsarbeid
- Dokumentert erfaring med utviklings- og forbetringsarbeid er eit krav
- Svært gode skriftlege og munnlege ferdigheiter på norsk og engelsk er eit krav
- Søkjar må ha god administrativ IT-kompetanse og systemforståing
Det vil vere ein fordel om søkjar har:
- Ph.d.-grad innan eitt av dei aktuelle fagområda.
- Kjennskap til universitets- og høgskolesektoren, offentleg forvaltning og relevante system som FS, Canvas, MittUiB og WebSak er ein fordel
Vi søkjer ein person som
- har engasjement og interesse for utdanningsadministrativt arbeid
- har evne til å jobbe sjølvstendig, strukturert og nøyaktig
- er utviklingsorientert og har auge for å utvikle/forbetre administrative prosessar og rutinar
- er fleksibel, kvalitetsbevisst og effektiv
- har meget gode kommunikasjons- og samarbeidseigenskapar
- er løysingsorientert, initiativrik, serviceinnstilt og har høg arbeidskapasitet
- har evne til å prioritere og trivst med å halde orden på fleire parallelle prosessar og aktivitetar
- har god digital kompetanse og evne til å tileigne seg nye ferdigheiter
- er klar til å ta i eit tak når det trengs og som bidrar godt til det faglege og sosiale fellesskapet
Ved vurdering av søkjaren vil vi legge stor vekt på dei personlege eigenskapane som er naudsynte for stillinga.
Vi kan tilby:
- Spanande og utviklande arbeidsoppgåver i eit sterkt fagmiljø
- Løn som rådjevar (kode 1434) er for tida kr 650 000-700 000. For særs kvalifisert søkjar kan høgare løn vurderast.
- Medlemsskap i Statens pensjonskasse
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne eller hól i CV-en blir oppmoda om å søkje stillinga.
Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.
Om arbeidsgiveren:
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det medisinske fakultet består av fem institutt og åtte senter. Les meir om fakultet og tilhøyrande institutt.
